NAMAZ VAXTLARI:
  • FƏCR 03:40
  • GÜN 05:20
  • ZÖHR 12:37
  • ŞAM 20:14
  • GECƏ 00:00
BİZİMLƏ ƏLAQƏ:[email protected] +994 70 4240255
HAVA PROQNOZU:

Ukraynanın yeni prezidenti - Zelenski kimdir? - DOSYE

Oxundu: 475
Ukraynanın yeni prezidenti - Zelenski kimdir? - DOSYE

Aprelin 21-dən Ukrayna tarixində yeni dönəmə start verilib. Belə ki, şoumen Vladimir Zelenski 73,18 faiz səslə Petro Poroşenkoya qalib gələrək hakimiyyətə keçib.

İslaminSesi - hamının güldürən adam kimi tanıdığı 41 yaşlı yeni prezidentlə bağlı qısa məlumatı təqdim edir:

 

Zelenski 25 yanvar 1978-ci ildə Krivoy Rog şəhərində anadan olub. Atası Aleksandr Semenoviç Zelenski texniki elmlər doktoru, professor, universitetlərin birində kompyuter elmləri şöbəsinin müdiridir. Anası Rimma Zelenskaya 40 il mühəndis kimi işləyib, hazırda təqaüdə çıxıb.

 

Vladimir Z. Kiyev Dövlət İqtisad Universitetinin Krivoy Rog İqtisadi İnstitutunda hüquq ixtisası üzrə təhsil alıb. Diplomunu aldıqdan sonra iki aylıq təcrübə istisna olmaqla, heç vaxt bu sahə üzrə fəaliyyət göstərməyib. 

 

Zelenski 2006-cı ildə “Ulduzlarla rəqs -1” layihəsinin Ukrayna versiyasında iştirak etdikdən sonra Ukrayna televiziyasında ən çox aranan simalardan biri olub.

 

O, yeni il musiqilərində müntəzəm fəaliyyət göstərib, müxtəlif televiziya şoularında iştirak edib, konsertlər verib. Buna baxmayaraq, əsas layihəsi “Axşam rübündə” olub. 2011-ci ildə Vladimir Zelenski “X-Factor” – “Factor A” şousunun rus versiyasında Filipp Kirkorovla birgə ev sahibi olub. 2013-cü ildə “Хочу “V ВИА Гру”” adlı musiqi şousunu aparıb.

 

O, 2008-ci ildə eyni studiyada “Studio Quarter-95”in əsasında çəkilən “Böyük şəhərdə sevgi” tammetrajlı filmində və 2010-cu ildə “Böyük şəhərdə sevgilim 2” adlı komediyada diş həkimi İqor rolunda çıxış edib. Bundan başqa, 2012-ci ildə “8 illik tarix” filmində rol alıb. 

 

Zelenskinin Ukrayna və Latviya banklarında 434 min dollar və 1,2 milyon qriven miqdarında pulu var.

 

O, İvankovits kəndində 814,8 min qriven (29,3 min dollar) dəyərində evə, 702,2 min qriven (25,2 min dollar) dəyərində 1200 kvadrat metrlik torpaq sahəsinə, Kiyevdə 4, Yaltada isə 1 mənzilə sahibdir. 

 

Bundan başqa, Zelenski 4,7 milyon qrivenlik “Land Rover” avtomobilinə sahibdir.

 

Şoumen “Studiya Kvartal-95” şirkətinə rəhbərlik edir.

 

Zelenski 2003-cü ildə məktəb yoldaşı, məşhur “Studio Quarter 95” filminin müəllifi Elena Vladimirovna ilə ailə qurub.

 

Cütlüyün Aleksandra adında 15 yaşlı qızı və Kirill adında 6 yaşlı oğlu var.

 

Bu məqamda qeyd edək ki, Ukraynanın yeni dövlət başçısı bir neçə il öncə Azərbaycanda da səfərdə olub.

 

Qeyd edək ki, V. Zelenski məşhur “Sluqa naroda2” filmində Ukrayna prezidenti rolunda çıxış edib (Qafqazinfo)

 

 

 

Ctrl+ Enter Mətndə səhv var? Onu seçin və "Ctrl+Enter" düyməsini basın

ŞƏRH YAZIN


DİGƏR SİYASƏT XƏBƏRLƏRİ

BÜTÜN XƏBƏRLƏR
Orphus system