14:27, 22.06.2018

“2020-ci ilə qədər Azərbaycanın Türkiyəyə qoyduğu kiçik və böyük investisiyaların məcmu dəyəri 20 mlrd. ABŞ dollarını keçəcək”.

İslaminSesi “Report” a istinadən xəbər verir ki, bunu Türkiyənin Xarici İqtisadi Əlaqələr İdarəsinin Türkiyə-Azərbaycan İşgüzar Şurasının rəhbəri Selçuk Akat deyib. Onun sözlərinə görə, hazırda Azərbaycan ölkəsinin iqtisadiyyatına qoyulan pulun məbləğinə görə, dünyada 3-cüdür. “Yatırımlarda Azərbaycan Dövlət Neft Şirkətinin (SOCAR) böyük payı var”, - deyə S.Akat qeyd edib.

Türkiyə rəsmisi həmçinin bildirib ki, ölkəsinə investisiya yatıran xarici iş adamlarına vətəndaşlıq verilir. Bundan başqa, daşınmaz əmlak alan və tikənlər əlavə dəyət vergisindən (ƏDV) azad olunur: “Bütün bu güzəştlər ötən il Türkiyədə daşınmaz əmlak alan xarici vətəndaşların sayının 22% artmasına səbəb olub.

2017-ci ildə əcnəbilərə 22 234 daşınmaz əmlak satılıb ki, bunların da dəyəri 4,6 mlrd. dollardır. Türkiyədə daşınmaz əmlak alan xarici vətəndaşların sayına görə Azərbaycan ilk 5-likdə yer alır. Son 2 ildə Azərbaycan vətəndaşları Türkiyədə 150-dən artıq torpaq sahəsi, 2 000-ə yaxın daşınmaz əmlak əldə edib”.