Son 3 ildə ilk dəfə olaraq ABŞ və Rusiya müdafiə nazirləri görüşür

12:40, 18.07.2018

ABŞ müdafiə naziri rusiyalı həmkarı ilə görüşməyə hazır olduğunu bildirib. Əgər bu baş tutsa son 3 ildə bir ilk olacaq.

İslaminSesi.info RT-ə istinadla xəbər verir ki, bu barədə ABŞ-ın müdafiə naziri Ceyms Mettis ötən gün toplantıların birində deyib.

Bu barədə ilk məlumatı verən Reuters bəyan edib ki, C. Mettis rusiyalı həmkarı Sergey Şoyqu ilə görüşə hazır olduğunu bəyan edib.

Sputnik Pentaqon mənbələrinə istinadən belə görüşün baş tutmasını istisna etməyib.

Bundan öncə Rusiya müdafiə naziri Amerikanı Krım adasında sabitliyi pozmaq hədəfilə qarşıdurma yaratmaq niyyətində olduğunu bildirmişdi.

Ekspertlər Tramp-Putin görüşündən sonra müdafiə nazirləri müstəvisində də görüşün baş tutmasını əlçatan hesab edirlər.