Səudiyyə Qətər üçün fikirləşdiyi qorxunc planın icrasına başlayır

10:33, 20.06.2018

Səudiyyə Ərəbistanı rejimi Qətəri cəzalandırmaq üçün yeni turizm layihəsini düşünmüşdü. Layihəyə əsasən Səudiyyə Ərəbistanı ilə Qətər arasında su kanalı qazılmalı və Qətər quru sərhəd yollarını itirərək, adaya çevrilməlidir

İslaminSesi.info Sputnik-ə istinadla xəbər verir ki, Səudiyyə Ərəbistanı carı ayın 25-də beş tanınmış şirkətlə Qətəri adaya çevirəcək kanalın qazılması məsələsini müzakirə edəcək. 3 ay ərzində kanalı qazacaq şirkət bəlli olmalı və daha bir il ərzində isə kanal tam olaraq qazılmalıdır.

3 ay öncə ilk dəfə bu xəbər yayımlananda iddia edilirdi ki, Səudiyyənin yeni turizm layihəsi yerli pulla cəmi 2.8 milyard riyala başa gələcək və 12 ay ərzində tamamlana biləcək bu layihə Qətəri quru yollardan məhrum edərək, onu bir adaya çevirəcək.

Qeyd edək ki, Qətərlə Səudiyyə Ərəbistanın 60 km-lik sərhəddi bu kiçik ölkəni quru yollarla dünyaya birləşdirən yeganə bölgədir.

 2017-ci ildə Səudiyyə Ərəbistanı və onun komandası Qətəri İxvanul-Muslimin-i dəstəkləməkdə ittiham edərək, Dohaya qarşı iqtisadi və siyasi sanksiyalar tətbiq etməyə başladılar.