NAMAZ VAXTLARI:
  • FƏCR 05:03
  • GÜN 06:25
  • ZÖHR 12:35
  • ŞAM 19:01
  • GECƏ 00:00
BİZİMLƏ ƏLAQƏ:[email protected] +994 70 4240255
HAVA PROQNOZU:

Prezident qızının 1,2 milyard dollarına əl qoyulub?

Oxundu: 307
Prezident qızının 1,2 milyard dollarına əl qoyulub?

Özbəkistanın Ədliyyə Nazirliyi mərhum prezident İslam Kərimovun qızı Gülnarə Kərimovanın xaricdəki mal varlığının qaytarılması ilə bağlı əməliyyatların davam etdiyini bildirib.

 

"İslaminSesi" musavat.com-a istinadən bildirir ki, ölkənin Ədliyyə Nazirliyi türmədəki Kərimovanın sağlamlıq vəziyyəti və xaricdəki varidatının ölkəyə qaytarılması ilə bağlı yazılı açıqlama verib.

Kərimovanın sərvətinin ölkəyə qaytarılması ilə bağlı müzakirə və prosedurların beynəlxalq hüquq normalarına uyğun olaraq hökumət səviyyəsində davam etdirildiyi əks olunan açıqlamada aşağıdakılar da qeyd olunub: "Bu varidata xarici ölkənin müvafiq qurumları tərəfindən əl qoyulduğu üçün onların qaytarılması Kərimovanın və ya ailə üzvlərinin nəzarətində deyil".

Açıqlamada eyni zamanda qeyd olunub ki, G.Kərimovanın hər hansı sağlamlıq problemi yoxdur. Daşkənd yaxınlarındakı bir türmədə saxlanan Gülnarə Kərimovnın qızı İman Kərimova keçən həftə sosial media hesabı üzərindən verdiyi açıqlamada 1,2 milyard dollar dəyərindəki investisiyaların dövlətin nəzarətinə keçdiyini, 131 milyon dollar dəyərindəki pulun geri gətirilməsi üçün əməliyyatın davam etdiyini, 555 milyon dollarlıq vəsait üçün də lazımi addımların başlandığını bildirmişdi.

Özbəkistan məhkəməsi tərəfindən 2017-ci ilin dekabrında rüşvət, korrupsiya, ticarət və gömrük qaydalarının pozulması ittihamlarından 10 il həbsə məhkum edilən Gülnarə Kərimovanın cəza müddəti haqsız əldə etdiyi gəlirləri və dövlətə verdiyi zərəri geri ödəməyi qəbul etməsiylə 2018-ci ilin iyulunda 5 ilə endirilib və cəzası da ev həbsilə əvəzlənmişdi.

Kərimova ev həbsi şərtlərini pozduğu üçün təkrar türməyə göndərilib.

Ctrl+ Enter Mətndə səhv var? Onu seçin və "Ctrl+Enter" düyməsini basın

ŞƏRH YAZIN


DİGƏR DÜNYA XƏBƏRLƏRİ

BÜTÜN XƏBƏRLƏR
Orphus system