NAMAZ VAXTLARI:
  • FƏCR 03:23
  • GÜN 05:10
  • ZÖHR 12:42
  • ŞAM 20:33
  • GECƏ 00:00
BİZİMLƏ ƏLAQƏ:[email protected] +994 70 4240255
HAVA PROQNOZU:

Polad Bülbüloğlu Fuad Abbasovla bağlı tapşırıq verdi - Jurnalistlə görüşdülər

Oxundu: 178
Polad Bülbüloğlu Fuad Abbasovla bağlı tapşırıq verdi - Jurnalistlə görüşdülər

Azərbaycanlı jurnalist Fuad Abbasov Moskvada hüquq-mühafizə orqanları tərəfindən saxlanılıb. Jurnalist saxlanılarkən ciddi fiziki təzyiqlərə, aşağılayıcı davranışa məruz qalıb.

 

Onun vəkili Elman Paşayev mediaya açıqlamasında bildirib ki, F.Abbasovu mayın 16-da çox ağır şəkildə, qəddarcasına döyüblər. Üstəlik, vəkilin sözlərinə görə, küçədə hüquq-mühafizə orqanı əməkdaşlarından ikisi jurnalisti döyüb, biri isə bu hadisənin video və fotosunu çəkib:

“O fotoların internetdə yayılmasının əsas səbəbi isə sifarişçiyə “missiyanın” yerinə yetirildiyini sübut etmək olub”.

Fuad Abbasovun mayın 28-də Azərbaycana ekstradisiya olunacağı bildirilir.

İslaminSesi bildirir ki, Milli Məclisin deputatı Aqil Abbas Modern.az-a açıqlamasında  Fuad Abbasovun döyülərək, təhqir olunmasını pisləyib. A. Abbas Azərbaycan Xarici İşlər Nazirliyini məsələyə münasibət bildirməyə çağırıb:

“Fuad Abbasovla qeyri-insani rəftar edilməsi vəhşilikdir. O bir millətini sevən, intellekual jurnalistdir. XİN buna münasibət bildirməlidir”.

Modern. az saytı Fuad Abbasovun Rusiya hüquq-mühafizə orqanları tərəfindən döyülməsinə, eləcə də, Rusiyadakı səfirliyimizin susqunluq nümayiş etdirməsinə Azərbaycan Xarici İşlər Nazirliyindən münasibət öyrənməyə çalışıb.

Xarici İşlər Nazirliyinin mətbuat katibi Leyla Abdullayeva saytımıza açıqlmasında deyib ki, Rusiyadakı səfirliyimizin  konsulluq şöbəsinin əməkdaşları mayın 20-də Fuad Abbasovla görüşüblər.

“Azərbaycan Respublikasının Rusiya Federasiyasındakı səfirinin tapşırığı ilə Səfirliyin konsulluq şöbəsinin əməkdaşları Moskva vilayətinin Korolyov şəhəri üzrə əcnəbilərin müvəqqəti saxlanma mərkəzində Fuad Abbasovla görüşüblər. Səfirliyimiz tərəfindən səlahiyyətləri çərçivəsində bütün lazımi tədbirlər görülür”.

Ctrl+ Enter Mətndə səhv var? Onu seçin və "Ctrl+Enter" düyməsini basın

ŞƏRH YAZIN


DİGƏR ÖLKƏ XƏBƏRLƏRİ

BÜTÜN XƏBƏRLƏR
Orphus system