NAMAZ VAXTLARI:
  • FƏCR 06:06
  • GÜN 07:30
  • ZÖHR 12:26
  • ŞAM 17:39
  • GECƏ 00:00
BİZİMLƏ ƏLAQƏ:[email protected] +994 70 4240255
HAVA PROQNOZU:

Mehman Hüseynov anasının dəfninə buraxıldı

Oxundu: 412
Mehman Hüseynov anasının dəfninə buraxıldı

Penitensiar Xidmətin ictimaiyyətlə əlaqələr üzrə rəsmisi Mehman Sadıqov Meydan TV-yə deyib ki, 10 dəqiqə əvvəl Mehman Hüseynov Penitensiar Xidmətin maşını ilə evlərinə aparılıb.

 
Vəkil Şəhla Hümbətova məlumatı təsdiqləyib və əlavə edib ki, bloger yas mərasimində iştirak üçün müvəqqəti olaraq evə buraxılıb.
 
***
 
''Bizə hələ müraciət olunmayıb, olan kimi dərhal baxılacaq''
 
Penitensiar Xidmətin ictimaiyyətlə əlaqələr üzrə rəsmisi Mehman Sadıqov 2 il azadlıqdan məhrum edilən bloger Mehman Hüseynovun anasının dəfninə buraxılacağı barədə məsələyə aydınlıq gətirib.
 
M.Sadıqov deyib ki, Penitensiar Xidmətə müraciətdən sonra onun buraxılıb-buraxılmaması məsələsinə baxılacaq:
 
"Hələ müraciət olunmayıb, olan kimi dərhal baxılacaq. Amma hansı qərarın qəbul olunması haqda heç nə deyə bilmərəm”.
 
Bəzi saytlar Mehman Hüseynovun buraxılması ilə bağlı xəbər yazır. Hətta Azərbaycan Mətbuat Şurasının sədri Əflatun Amaşov da bu barədə sosial şəbəkədə paylaşım edib.
 
Mehman Hüseynovun vəkili Şəhla Hümbətova isə Meydan TV-yə deyib ki, Cəzaçəkmə Müəssisəsi rəhbərliyinə müraciət ediblər:
 
"Bir neçə dəqiqə əvvəl bütün tələb olunan sənədlər rəhbərliyə təqdim olunub. Biz hazırda burada gözləyirik".
 
Avqustun 6-da bloger Mehman Hüseynovun anası Firəngiz Hüseynova Mərkəzi Neftçilər Xəstəxanasında vəfat edib.
 
M.Hüseynov 2017-ci il martın 3-də Suraxanı Rayon Məhkəməsinin hökmü ilə 2 il azadlıqdan məhrum edilib.
 
O, polisə böhtan atmaqda günahkar bilinib.
 
Mehman Hüseynov çəkdiyi videolarda hökumətin gördüyü işləri tənqid edib, yüksək vəzifəli şəxslərin, deputatların olduğu deyilən mülklər barədə süjetlər hazırlayaraq sosial şəbəkələrdə yayıb. O, həbsinin bloger fəaliyyəti ilə bağlı olduğunu bildirib.

Ctrl+ Enter Mətndə səhv var? Onu seçin və "Ctrl+Enter" düyməsini basın

ŞƏRH YAZIN


DİGƏR ÖLKƏ XƏBƏRLƏRİ

BÜTÜN XƏBƏRLƏR
Orphus system