NAMAZ VAXTLARI:
  • FƏCR 03:24
  • GÜN 05:12
  • ZÖHR 12:43
  • ŞAM 20:35
  • GECƏ 00:00
BİZİMLƏ ƏLAQƏ:[email protected] +994 70 4240255
HAVA PROQNOZU:

"İstanbul heç vaxt Konstantinopol olmayacaq" - Ərdoğan

Oxundu: 788

Türkiyədə yaşayan hər bir insan Çanaqqala döyüşünün böyük əhəmiyyət kəsb etdiyini bilməlidir.

 

"İslaminSesi" - Anadolu agentliyinin məlumatına görə, bu sözləri Türkiyə prezidenti Rəcəb Tayyip Ərdoğan adı çəkilən tarixi döyüş qələbəsinin 104-cü ildönümü münasibətilə keçirilən tədbirdə səsləndirib.

 

Ərdoğanın sözlərinə görə,  həmin günlərdə Türkiyədə tarix yazılıb və bunu dərk etməyənlərin Türkiyə torpaqlarında yaşamağa haqqı yoxdur.

 

“Ümid edirəm ki, Türkiyə xalqı bir daha Çanaqqalada yaşanmış sınaqla üzləşməyəcək. Ancaq belə bir təhlükə ortaya çıxsa , şübhəsiz ki, onu aradan qaldıracağıq, necə ki,  babalarımız 104 il əvvəl Çanaqqalada buna nail olmuşdu”, - deyə Türkiyə lideri bildirib.

 

Ərdoğan həmçinin qeyd edib ki, Yeni Zelandiyada törədilən  qanlı terror aktı müəyyən dairələrin Türkiyəyə ismarıcıdır.

 

“Müsəlmanların və Türkiyənin düşmənləri bizə nifrət etməyə davam etdiklərini bir daha nümayiş etdirdilər. Biz buna qarşılıq verməyə hazırıq. Bunu Çanaqqalada ucadan bəyan edirik”. 

 

Türkiyəli dövlət başçısı qeyd edib ki, İsrail baş nazirinin Türkiyəyə qarşı bəyanatları Yeni Zelandiyalı terrorçunun dedikləri ilə üst-üstə düşür və bütün bu bəyanatlar eyni mənbədən qaynaqlanır.

 

“Türk xalqı hər zaman yer üzündə olacaq. İstanbulu Konstantinopola çevirmələrinə imkan verməyəcəyik”, - deyə prezident vurğulayıb.(Oxu.az)

Ctrl+ Enter Mətndə səhv var? Onu seçin və "Ctrl+Enter" düyməsini basın

ŞƏRH YAZIN


DİGƏR SİYASƏT XƏBƏRLƏRİ

BÜTÜN XƏBƏRLƏR
Orphus system