İŞİD-in Kəşfiyyat rəisi Şakir Hədula Mosulda diri-diri ələ keçdi

17:05, 20.06.2017

İŞİD terror təşkilatının Neynəva əyaləti üzrə Kəşfiyyat rəisi Şakir Hədula ötən gün Mosulda aparılan əməliyyatlar zamanı diri olaraq ələ keçib.

İslaminSesi.info bu barədə İraq mətbuatına istinadla xəbər verir.

Bildirilib ki, Şakir Hədula ləqəbli Şakir Mahmud Həmd İŞİD terror təşkilatının Neynəva əyalətindəki işləri haqda daha çox sirlərə malikdir və o İŞİD-in qara qutularından biri hesab edilir.

Qeyd edək ki, İraq Ordusu hazırda İŞİD terror təşkilatını Dəclə çayının qərbində Qədimi-Mosul deyilən bir neçə məhəllədən ibarək kiçik bir ərazidə sıxışdırıb. İŞİD terror təşkilatı burada yerləşən və vaxtilə Əbu-Bək əl-Bağdadinin xilafətini elan etdiyi Came-Nuri məscidi və onun ətrafındakı obyektlərə sığınıb.

FOTOLAR: