İraq parlamenti dekabrın 1-də Baş nazirin istefası məsələsini səsverməyə çıxaracaq

Oxundu: 69
İraq parlamenti dekabrın 1-də Baş nazirin istefası məsələsini səsverməyə çıxaracaq

İraq parlamenti dekabrın 1-də növbədənkənar iclasında Baş nazir Adil Əbdül Mehdinin istefası məsələsinə baxacaq.

 

Hökumət başçısı şənbə günü ölkənin qanunverici orqanının sədrinə öz istefası haqqında rəsmi ərizə ilə müraciət edib.

 

İraqın İNA agentliyinin məlumatına görə, bu, Nazirlər Kabinetinin təcili iclasından sonra baş verib. Baş nazir bu addımı hakimiyyətin dinc yolla təhvil verilməsinin vacibliyini nəzərə alaraq, xalqın maraqlarını və nümayişçilərin tələbini yerinə yetirmək üçün atdığını bildirib.

 

Ölkə Konstitusiyasına əsasən Baş nazirin istefası deputatların əksəriyyəti tərəfindən qəbul olunmalıdır. Onun vəzifədən gedəcəyi təqdirdə hökumət üzvləri 30 gün ərzində Nazirlər Kabinetinin yeni rəhbəri təyin olunanadək öz səlahiyyətlərinin icrasını davam etdirəcəklər.

 

Xatırladaq ki, İraqda iki aydır davam edən etiraz aksiyaları zamanı 400 nəfərdən çox insan həlak olub, 15 min nəfər yaralanıb.AZƏRTAC

Ctrl+ Enter Mətndə səhv var? Onu seçin və "Ctrl+Enter" düyməsini basın

ŞƏRH YAZIN


DİGƏR SİYASƏT XƏBƏRLƏRİ

BÜTÜN XƏBƏRLƏR
Orphus system