NAMAZ VAXTLARI:
  • FƏCR 03:44
  • GÜN 05:22
  • ZÖHR 12:37
  • ŞAM 20:11
  • GECƏ 00:00
BİZİMLƏ ƏLAQƏ:[email protected] +994 70 4240255
HAVA PROQNOZU:

İlahiyyatçı Ruhullah Novruzzadənin bacısı qardaşının saxlanılmasıyla bağlı prokurorluqda olub

Oxundu: 246
İlahiyyatçı Ruhullah Novruzzadənin bacısı qardaşının saxlanılmasıyla bağlı prokurorluqda olub

İlahiyyatçı Ruhullah Novruzzadənin bacısı qardaşının saxlanılmasıyla bağlı Suraxanı prokurorluğunda olub.

 
İslaminSesi Maide.Az -a istinadən xəbər verir ki, bu barədə Zəhra Süleymanova özü məlumat yayıb. 
 
Onun sözlərinə görə, əvvəlcə Baş Prokurorluğa zəng ediblər, oradan onlara bildirirblər ki, öz rayonunuzun prokurorluğuna müraciət edin.
 
"Biz Suraxanı Prokurorluğunun Prokurorlarından biri Rəhim müəllimlə görüşdük. O bizə bildirdi ki, Ruhullah Novruzzadənin işi onlarda deyil və bu rayon prokurorluğu onun saxlanılması haqda göstəriş verməyib. Bir az araşdırdıqdan sonra Baş Prokurorluğun Ağır Cinayətlər Üzrə İstintaq İdarəsi tərəfindən ölkə girişinə yasaq qoyulduğunu bizə bildirdilər. Qardaşım ölkədə olmaya-olmaya Nardaran hadisələrilə bağlı olaylarda adı keçir və bu problemlər oradan qaynaqlanır. Ümidvarıq ki, son günlər ölkədə əfv sərəncamının verilməsilə bağlı söz-söhbətlər getdiyi halda qardaşımı azad edəcəklər.", -deyə Zəhra Süleymanova bildirib.
 
Daha sonra o deyib: "Bildiyiniz kimi atam ağır xəstədir, vərəm diaqnozundan Mərdəkandakı Ağciyər Xəstəxanasında uzun müddətdir ki, müalicə alır. Yanına getdim, həkimlə görüşdük. Həkim səhhətinin çox pis,  olduğunu və hətta ömrünün az qaldığını bildirdi. Ruhullah ölkəyə girişində problem yaranacağını bilirdi, çünki 4 il öncə də quru yolu ilə İrandan Azərbaycana gələndə onun ölkəyə girişinə qadağa olma səbəbilə geri qaytarmışdılar. Lakin atam ona israr edirdi ki, vəsiyyətim var, son dəfə 3-4 ildir görmədiyim oğlumu görüm, sonra ölüm. Bu şeyləri nəzərə alaraq qardaşımın azad edilməsi üçün səlahiyyətli şəxslərdən addım atmalarını gözləyirik. Ümidvarıq ki, ağır xəstə olan atamın bu son istəyi Allahın iznilə yerinə yetəcək."
 
Qeyd edək ki, bu gün səhər saat 4 radələrində Tehran - Bakı reysilə qayıdan və Qum Universitetinin Hüquq fakültəsində (ikinci təhsil) oxuyan  ilahiyyatçı Ruhullah Novruzzadə aeroportda saxlanılıb.
 
Xatırladaq ki, Zəhra Süleymanova keçmiş hicab məhbusu Hacı Məsim Novruzovun qızı və hazırda həbsdə olan siyasi məhbus, ruhani Hacı Abgül Süleymanovun həyat yoldaşıdır.

Ctrl+ Enter Mətndə səhv var? Onu seçin və "Ctrl+Enter" düyməsini basın

ŞƏRH YAZIN


DİGƏR ÖLKƏ XƏBƏRLƏRİ

BÜTÜN XƏBƏRLƏR
Orphus system