15:59, 05.12.2018

Hizbullah sərhəd boyu İsrailə məxsus olan hərbi obyektlərin yerlərinin dəqiq fotolarını və video gürüntülərini yayıb.

“İslaminSesi” “arabic.rt”-ə istinadən xəbər verir ki, Hizbullahın verdiyi məlumata əsasən,  Livanla sərhəddə əsgər və hərbi texnika toplayan İsrail hökünəti, “Şimal Qalxanı” adlı əməliyyata hazırlaşır. Həmçinin İsrail ordusunun öz ərazilərində tunellər qazdığı bildirilib.

Görüntülərdə İsrail əskərlərinin yer qazması, yer qazan texnika və torpaq daşıyan maşınlar əks olunub.

Xatırladaq ki, bir müddət öncə İsrail Baş naziri Binyamin Netanyahunun sözçüsü General Ophir Gendelman Hizbullahın sərhəd boyu tunellər qazması haqqında xəbər vermişdi. Onun dediyinə görə tunelin birinin uzunluğu 200 metrə, dərinliyi isə 25 metrə yaxındır. Hətta general “Twitter” səhifəsində tunelin görüntülərini də yaymışdı.