NAMAZ VAXTLARI:
  • FƏCR 05:07
  • GÜN 06:27
  • ZÖHR 12:34
  • ŞAM 18:56
  • GECƏ 00:00
BİZİMLƏ ƏLAQƏ:[email protected] +994 70 843 2533
HAVA PROQNOZU:

İSLAM

Oxundu: 654
Əkdiyi ağacdan asılaraq edam edilən İmam səhabəsi

Əkdiyi ağacdan asılaraq edam edilən İmam səhabəsi

Əkdiyi ağacdan asılan və ağzına noxta vurularaq edam edilən İmam səhabəsi. Zilhiccənin 22-si Kərbəla aşurasından, İmam Hüseynin (ə) şəhadətindən 18 gün qabaq Meysəm Təmmarın şəhid olan günüdür. O asılacağı ağaca öz əli ilə qulluq edən, qəlbi Əli (ə) eşqi ilə dolu olan bir şəxsiyyət idi.

İslamiSesi.info - Zilhiccə ayının 22-si Həzrəti Əlinin (ə) sadiq tərəfdaşlarından olan Meysəm Təmmarın şəhadət günüdür. Bir rəvayətdə deyilir ki, Həzrəti Əli (ə) onu qul olarkən alıb və azad edib. Adını soruşanda adım Salimdir deyib. Əli (ə) gülümsəyərək deyir ki, Peyğəmbər (s) mənə deyib ki, ata-anası onu Meysəm adlandırıb. Bu sözdən sonra o Əlinin (ə) bu sözünü təsdiq edir (Kəşşi-Rical-82) (Mufid-Əl-irşad. C-1. Səh-323) (Təbərisi. İlamul-vura. C-1. Səh-341).

Meysəm Təmmar H.Əlinin (ə), İmam Həsənin (ə) və İmam Hüseynin (ə) zamanında yaşamış və hər üç İmamın (ə) sadiq tərəfdaşlarından, dostlarından olmuşdur. Kərbəla baqiəsindən qabaq şəhid olduğu üçün Kərbəlada ola bilməmişdir.

Meysəm Təmmar Əli (ə) ın xilafəti zamanında yaşlı olmasına baxmayaraq daim ona (ə) yaxın olmuş, qocalıb döyüşlərdə iştirak edə bilməsə də öz hazır cavablığı və iti bəlağəti ilə daima düşmənləri narahat etmişdir.

Hicrətin 60-cı ilində Kərbəla vaqiəsindən azca qabaq Meysəm Təmmar Məkkəyə ziyarətə yola düşür. İmam Hüseyni (ə) orada görə bilməyəndə Ümmü Sələmənin yanına gedib İmamın (ə) Küfəyə doğru hərəkət etdiyini öyrənir. O tez Küfəyə qayıdır. 

Rəvayətdə Meysəm Təmmarın şəhadəti barəsində qeyd olunur ki, o Məkkədən Kufəyə qayıdanda Qadisiyyə adlı məntəqədə İbn Ziyadın adamları tırıfindən yaxalanıb zindana salınır. O zindanda Muxtar Səqəfi ilə ğörüşür. O Muxtara azad olacağı xəbərini və intiqam alacağı xəbərini verir. Sonra özü İbn Ziyad tərəfindən dili boynundan çıxardılır və xurma ağacından asılır.

Həzrəti Əli (ə) öz sadiq dostunu əvvalcədən şəhadət xəbəri ilə müjdələmişdi. Hətta ona kim tərəfindən öldürüləcəyini və hansı xurma ağacından asılacağını da söyləmişdi. Hətta qeyd olunur ki, o vaxtdan Meysəm Təmmar həmin ağacın altına gələr, namaz qılar, ağaca qulluq edər, o ağacla dərdləşərdi.

Zilhiccənin 22-si Kərbəla Aşurası və İmam Hüseynin (ə) şəhadətindən 18 gün qabaq Meysəm Təmmarın şəhid olan günüdür. O asılacağı ağaca öz əli ilə qulluq edən, qəlbi Əli (ə) eşqi ilə dolu olan bir şəxsiyyət idi. İmam Əlinin sirlərinin bilicisi olan bu səhabə edam edilən zaman ağzına heyvan noxtası vurulmuşdu.


Y.Nuriyev

 

 

 

 

 

 

 

 

Ctrl+ Enter Mətndə səhv var? Onu seçin və "Ctrl+Enter" düyməsini basın

ŞƏRH YAZIN


DİGƏR İSLAM XƏBƏRLƏRİ

BÜTÜN XƏBƏRLƏR
Orphus system