NAMAZ VAXTLARI:
  • FƏCR 05:02
  • GÜN 06:24
  • ZÖHR 12:35
  • ŞAM 19:02
  • GECƏ 00:00
BİZİMLƏ ƏLAQƏ:islaminsesi2015@gmail.com +994 70 4240255
HAVA PROQNOZU:

SOSİAL

Oxundu: 775
Əgər başınızda bu cür ağrılar vardırsa mütləq bu yazını oxuyun

Əgər başınızda bu cür ağrılar vardırsa mütləq bu yazını oxuyun

Baş ağrıları hər birimizi vaxtaşırı narahat edir. Lakin bilmək vacibdir ki, baş ağrıları müxtəlif cür olur və fərqli səbəblərdən dolayı yaranır

Bəs adi yorğunluq ilə orqanizmin həyəcanlı siqnalını necə fərqləndirmək olar?

 

Milli.Az publika.az-a istinadən təhlükəli xəstəliyin ilk əlamətləri olan baş ağrıları ilə adi baş ağrılarının fərqlərini təqdim edir:

 

1. Gicgah və ya təpədə qəfil və sürətlə güclənən ağrılar

 

Bu ağrı çox qorxuludur, çünki o, birdən peyda olur və çox tez güclənir. Sanki yuxarıdan başımıza nə isə tökülür. Bu baş ağrıları yarananda dərhal həkimə müraciət etmək vacibdir. Belə ağrı insan həyatı üçün təhlükəli olan bir çox problemlərin göstəricisi halına gələ bilər.

 

2. Zədədən sonra ağrılar

 

Əgər siz başınızdan zədə almısınızsa, vaxtaşırı həkim nəzarətinə getməyi unutmayın. Çox vaxt başdan zədələnmə izsiz keçmir və zaman keçdikcə tez-tez baş ağrıları şəklində ortaya çıxır.

 

3. Səhər baş ağrıları

 

Əgər siz yuxudan dəhşətli baş ağrıları ilə oyanırsınızsa, bu, o deməkdir ki, dərhal həkimə müraciət etməlisiniz. Nevrologiya elminə əsasən belə ağrı səhhətdə ciddi problemlərin olmasının əlamətidir. Bu, yüksək təzyiq və hətta baş beyin şişlərinin əlaməti ola bilər.

 

4. Göz və ya gözətrafında ağrılar (klaster ağrısı)

 

Klaster baş ağrıları isə hədsiz dərəcədə güclü, üzücü, sanki deşici, yandırıcı olması ilə xarakterizə olunaraq başın və sifətin bir yarısına iztirab verir. Bir çox hallarda ağrı göz, qaşüstü, gicgah, alın və təpənin bir hissəsini əhatə edir, bəzi hallarda qulağa və aşağı çənəyə də yayılır. Bu zaman göz yaşarır və qızarır, yuxarı göz qapağı bir qədər aşağı enir, dəri xırda tər damcıları ilə örtülür, burun yolu tutulur. Alimlər hesab edir ki, klaster insanın hiss edə bildiyi ən güclü ağrıdır.

 

5. Ürəkbulanma və görmə problemi ilə müşayiət edən baş ağrıları

 

Əgər baş ağrılarını görmə qabiliyyətində zəiflik, pis əhval-ruhiyyə, əsəbilik, ürəkbulanma və boyun ağrıları müşayiət edirsə, mütləq həkimə müraciət edin.

 

Qısa yaddaş kitabçası

 

Əgər siz almacıq sümüklərinin yuxarısında və ya göz üzərində ağrılar hiss edirsinizsə, bu, bəlkə də qaymorit əlamətidir.

 

Əgər boyunun arxasında və yuxarı hissəsində ağrı hiss edirsinizsə, onda boynunda əyrilik və osteoxondroz kimi problemlər ola bilər.

 

Miqren ürəkbulanma, görmə qabiliyyətinin zəifləməsi ilə səciyyəvidir.

 

Aşağı təzyiq də baş ağrıları ilə müşayiət oluna bilər. Əksinə isə yüksək təzyiq zamanı baş ağrısı olmaya bilər.

Ctrl+ Enter Mətndə səhv var? Onu seçin və "Ctrl+Enter" düyməsini basın

ŞƏRH YAZIN


DİGƏR SOSİAL XƏBƏRLƏRİ

BÜTÜN XƏBƏRLƏR
Orphus system