Dominikanda 2016-cı il ərzində 17 ton narkotik maddə müsadirə edilib

12:42, 03.01.2017

İslaminsesi-nin RİA-ya istinadla verdiyi məlumata görə, Dominikan güc strukturları 2016-cı ilin ərzində ölkədə ümumilikdə 17 tondan artıq narkotik vasitə müsadirə ediblər.

Təxminən 13,7 ton narkotik maddə Milli Narkotiklərə Nəzarət idarəsinin əməkdaşları, 3,5 ton isə milli polis əməkdaşları tərəfindən aşkar edilib. İl ərzində 20 mindən artıq xüsusi əməliyyatlar keçirilib, yüzlərlə narkotik maddə alverçisi həbs edilib.
Narkotik maddələrin 8,4 tonu kokaindir. Həmçinin 68 kq-dan çox heroin və beş ton marixuana müsadirə edilib.

Bu göstərici 2015-ci il üçün 19 ton narkotik maddə təşkil edirdi.