NAMAZ VAXTLARI:
  • FƏCR 05:07
  • GÜN 06:27
  • ZÖHR 12:34
  • ŞAM 18:56
  • GECƏ 00:00
BİZİMLƏ ƏLAQƏ:[email protected] +994 70 843 2533
HAVA PROQNOZU:

ÖLKƏ

Oxundu: 52
Bakıda  sürücülər üçün  operativ qərargah yaradılıb - REYD

Bakıda sürücülər üçün operativ qərargah yaradılıb - REYD

Yol hərəkətinin təhlükəsizliyinin təmin edilməsi, həmçinin qəzaların qarşısının alınması, barələrində tərtib olunmuş inzibatı protokollar üzrə təyin edilən vaxtı keçmiş cərimələrin sürücülər tərəfindən ödənilməsini təmin etmək məqsədi ilə Baş Dövlət Yol Polisi İdarəsi, Bakı Şəhər Dövlət Yol Polisi İdarəsi, eləcə də şəhər, rayon yol polisi şöbə və bölmələri tərəfindən profilaktik tədbirlər davam etdirilir.

İslaminSesi Daxili İşlər Nazirliyinin mətbuat xidmətindən APA-ya verilən məlumata istinadən bildirir ki, bu istiqamətdə Yasamal Rayon Polis İdarəsi (RPİ) Dövlət Yol Polis Şöbəsi əməkdaşları tərəfindən (DYPŞ)  inzibati protokollar üzrə təyin edilən vaxtı keçmiş cərimələri ödəməyən sürücülərin aşkarlanması məqsədi ilə operativ qərargah yaradılıb, belə hərəkət iştirakçılarına qarşı mütəmadi reydlər keçirilir.
       

Məlumatda qeyd olunur ki, bu ilin 8 ayında Yasamal rayon DYPŞ-nin əməkdaşları tərəfindən yol hərəkəti qaydalarını pozan sürücü və piyadalara qarşı ümumilikdə 18 min 791 ədəd inzibati protokol tərtib edilib. Xüsusi texniki vasitələrin köməkliyi ilə qaydaları pozan 127 min 573 hərəkət iştirakçısı inzibati qaydada cərimələnib.
      

Bu dövrdə Yasamal rayon DYPŞ-nin əməkdaşları tərəfindən qeyd edilən sayda inzibatı protokolların 95 faizi barəsində qanuna müvafiq qərar qəbul edilərək icrası təmin edilib.Yasamal rayon DYPŞ əməkdaşları tərəfindən yanvar-avqust ayı ərazində 2334 sürücü cərimələri vaxtında ödəmədiyi üçün avtomobilləri mühafizə olunan müvəqqəti duracağa yerləşdirilib.
      

Yasamal rayon DYPŞ-nin əməkdaşları tərəfindən kobud qayda pozuntularına yol verən, avtomobili sərxoş vəziyyətdə idarə edən, sürücülük vəsiqəsində nəzərdə tutulan cərimə balı həddini keçən 812 sürücü barəsində tərtib edilən protokollar müvafiq  qərar qəbul edilməsi üçün məhkəmələrə göndərilib və bu sürücülərdən 237-nin sürücülük hüququ məhdudlaşdırılıb.

       

Sürücülər arasında aparılan profilaktik tədbirlər nəticəsində bu ilin 8 ayı ərzində Yasamal rayonu ərazisində ötən ilin müvafiq dövrü ilə müqayisədə 15 yol nəqliyyat hadisəsi az, yəni 22 qəza qeydə alınıb.
      

Qeyd edək ki, Yasamal rayonu ərazisində kobud qayda pozuntularına yol verən, cərimələri vaxtında ödəməyən sürücülərə qarşı reydlər bundan sonra da mütəmadi olaraq davam etdiriləcək.

Ctrl+ Enter Mətndə səhv var? Onu seçin və "Ctrl+Enter" düyməsini basın

ŞƏRH YAZIN


DİGƏR ÖLKƏ XƏBƏRLƏRİ

BÜTÜN XƏBƏRLƏR
Orphus system