NAMAZ VAXTLARI:
  • FƏCR 05:25
  • GÜN 06:45
  • ZÖHR 12:48
  • ŞAM 19:09
  • GECƏ 00:00
BİZİMLƏ ƏLAQƏ:islaminsesi2015@gmail.com +994 70 4240255
HAVA PROQNOZU:

Bakıda İran İslam İnqilabının 40-cı ildönümü böyük təntənə ilə qeyd edilib - Foto

Oxundu: 578
Bakıda İran İslam İnqilabının 40-cı ildönümü böyük təntənə ilə qeyd edilib - Foto

İran İslam İnqilabının 40-cı ildönümü böyük təntənə ilə qeyd olunur.

 

İranın Azərbaycandakı səfirliyinin təşkilatçılığı ilə  ölkəmizdə bu münasibətlə bayram tədbiri keçirilib.

 

İslaminSesi xəbər verir ki, Azərbaycanın və İran İslam Respublikasının yüksək dövlət rəsmilərinin, xarici ölkə səfirliklərinin, partiya və təşkilat rəhbərlərinin, elm və mədəniyyət xadimlərinin, eləcə də ictimaiyyət və media mənsublarının iştirakı ilə keçirilən bayram tədbirində Azərbaycanın və İranın dövlət himnləri səsləndirilib.

 

Ardınca tədbirdə çıxış edən İran İslam Resbuplikasının Azərbaycandakı fövqəladə və səlahiyyətli səfiri Cavad Cahangirzadə təşrif buyuran qonaqları salamlayıb. Səfir bildirib ki, İslam İnqilabından sonra İran yeni inkişaf mərhələsinə qədəm qoydu. İslam İnqilabı İran xalqına azadlıq, istiqlaliyyət töhfəsi bəxş etdi.

 

Cavad Cazangirzadə əlavə edib ki, İran bu gün regionda güc mərkəzinə çevrilib və bütün dünya, xüsusən də imperialist güclər  İslam Respublikasının mövqeyi ilə razılaşmağa məcburdur.

 

 

 

 Səfir vurğulayıb ki, İran və Azərbaycan arasında dostluq, qardaşlıq əlaqələri mövcuddur və bu münasibətlər siyasi-iqtisadi, mədəni, elmi-texniki səviyyədə inkişaf edir.

 

Daha sonra tədbirdə çıxış edən Azərbaycanın İqtisadiyyat naziri Şahin Mustafayev iki ölkə arasındakı münasibətlərə toxunub və mövcud inkişafdan söhbət açıb.  Nazir bildirib ki, İran və Azərbaycan mehriban qonşuluq münasibətlərinə malikdir və bu istiqamətdə hər iki ölkə başçılarının atdığı addımlar təqdirəlayiqdir.  

 

 

Çıxışlardan  sonra tədbirin rəsmi hissəsi yekunlaşıb və qonaqlar İslam İnqilabının 40-cı ildönümü münasibəti ilə açılan bayram süfrəsi ətrafında əyləşərək, hazırlanan təamlardan nüş ediblər.

 

Qeyd edək ki, 1979-cu ildə İranda Şah Məhəmməd Rza Pəhləvinin devrilməsi ilə nəticələn inqilab nəticəsində İranda Ruhullah Musəvi Xomeyni öndərliyində islam respublikası yaradıldı və İran İslam İnqilabı bütün dünyaya səs saldı.   

 

 

 

 

 

 

 

 

 

 

 

 

Ctrl+ Enter Mətndə səhv var? Onu seçin və "Ctrl+Enter" düyməsini basın

ŞƏRH YAZIN


DİGƏR ÖLKƏ XƏBƏRLƏRİ

BÜTÜN XƏBƏRLƏR
Orphus system