NAMAZ VAXTLARI:
  • FƏCR 03:36
  • GÜN 05:17
  • ZÖHR 12:37
  • ŞAM 20:18
  • GECƏ 00:00
BİZİMLƏ ƏLAQƏ:[email protected] +994 70 4240255
HAVA PROQNOZU:

Azərbaycan İslam Partiyası terrora etiraz bəyanatı yayıb

Oxundu: 503
Azərbaycan İslam Partiyası terrora etiraz bəyanatı yayıb

“Bu terror ABŞ-ın antimiqrant siyasətinin nəticəsidir”

 

Yeni Zelandiyanın Krastçerç şəhərindəki məsciddə baş verən qanlı terrorla bağlı AİP etiraz bəyanatı yayıb.

 

“İslaminSesi” xəbər portalının redaksiyasına daxil olan etiraz bəyanatında deyilir:

 

“ Yeni Zelandiyanın Krastçerç şəhərindəki məsciddə ibadət edənlərə qarşı törədilən qanlı terror göstərir ki, dünyanın bir sıra ölkələrində İslamofobiya ideologiyası müsəlman ölkələrinə və müsəlmanlara qarşı istifadə olunan alətdir. Dözümsüzlük və İslam dininin dünyada təşəkkülü bəzi xilqətlərdə bu ambisiyani və qərəzi daha da gücləndirir.

 

Azərbaycan İslam Partiyası hesab edir ki, məhz Yeni Zelandiyada baş verən bu qanlı cinayət Amerika Birləşmiş Ştatlarının və xüsusən qitənin hazırkı prezidenti Donald Trampın dünyada apardığı antimiqrant siyasətinin törətdiyi iyrəncliklər, bəşəri cinayətlərdir. Kratçerç şəhərindəki məsciddə törədilən və 49 nəfərin həyatını itirməsi, çoxsaylı insanların yaralanması ilə nəticələnən terror aktı bu antihumanist və qərəzli siyasətin davamı kimi qiymətləndirilməlidir.

 

İslam dini sülh, əmin-amanlıq, barışıq və vəhdət dinidir. Xalqların biri-birinə yaxınlaşması, pisliklərlə, zülm və ədalətsizliklə mübarizə dinimizin əsas xətlərindən birini təşkil edir. İslamın bu insani və bəşəri keyfiyyətləri müsəlman xalqlarını və dövlətlərini parçalamağa, məhv etməyə çalışan və buna böyük maliyyələr ayıran Amerika başda olmaqla, qərb dairələri ədalətsiz müharibələr, kütləvi terrorlar törətməkdə maraqlıdırlar. Onlar müsəlman xalqları və dövlətləri arasında nifaq, qarşıdurma meylləri yaratmaqla istəklərinə nail olmadıqda, terrora, hərbi müdaxilələrə, İslam dinini qorxunc kabus kimi dünyaya təqdim etməyə başlayırlar. İslam dövlətlərinin və xalqlarının qarşısında duran ən mühüm vəzifə isə belə xəyanətkar zalımlara qarşı İslam dünyasının güc mərkəzini və İslami vəhdəti yaratmaqdır.

 

AİP Yeni Zelandiyada və bütün dünyada baş verən hər cür terror hərəkətlərini pisləyir. Ölkənin Kratçerç şəhərindəki məscidində törədilən qanlı terrorda həyatını itirmiş şəhidlərə Allahdan rəhmət, yaralananlara şəfa, ailələrinə səbr diləyir və dərin hüznlə başsağlığı verir.

 

Allah rəhmət eləsin!”

 

Hacı İlham Əliyev,

Azərbaycan İslam Partiyasının sədr əvəzi

Ctrl+ Enter Mətndə səhv var? Onu seçin və "Ctrl+Enter" düyməsini basın

ŞƏRH YAZIN


DİGƏR ÖLKƏ XƏBƏRLƏRİ

BÜTÜN XƏBƏRLƏR
Orphus system