NAMAZ VAXTLARI:
  • FƏCR 06:31
  • GÜN 07:58
  • ZÖHR 12:37
  • ŞAM 17:35
  • GECƏ 00:00
BİZİMLƏ ƏLAQƏ:[email protected] +994 70 4240255
HAVA PROQNOZU:

Azərbaycan əhalisi qazancının yarısını ərzağa xərcləyib

Oxundu: 216
Azərbaycan əhalisi qazancının yarısını ərzağa xərcləyib

Rəsmi statistika deyir ki, bu ilin yanvar-sentyabr aylarında pərakəndə ticarət şəbəkəsində satılmış məhsulların dəyəri 26,2 mlrd. manat olub.

Dövlət Statistika Komitəsindən  bildiriblər ki, ticarət dövriyyəsinin 13 133,9 mln. manatını ərzaq məhsulları, içkilər və tütün məmulatları, 13 024,2 mln. manatını qeyri-ərzaq məhsulları təşkil edib.

 

Bu ilin 10 ayında satılmış məhsulların dəyəri 2017-ci ilin yanvar-sentyabr aylarında ərzaq məhsulları üzrə 2,1% və qeyri-ərzaq üzrə 3,3% üstələyib.

 

Alıcılar pullarının 45,9%-ni ərzaq məhsulları almağa xərcləyiblər. Xərclərin 4,3%-i içkilər və tütün məmulatlarının, 18,2%-i toxuculuq məhsulları, geyim və ayaqqabıların, 6,3%-i elektrik malları və mebellərin, 5,7%-i avtomobil yanacağının, 1,3%-i əczaçılıq və tibbi malların, 0,7%-i kompüterlər, telekommunikasiya avadanlıqları və çap məhsullarının, 17,6%-i isə digər qeyri-ərzaq məhsullarının alınmasına sərf olunub.

 

2018-ci ilin yanvar-sentyabr aylarında məhsulların 16,9%-i ticarət müəssisələri, 50,8%-i fərdi sahibkarlar tərəfindən, 32,3%-i isə bazar və yarmarkalarda satılıb.

Hesablamalara görə, əhalinin bir nəfərinə düşən orta aylıq pərakəndə ticarət dövriyyəsi 296,3 manat olub. Bu isə ötən ilin eyni dövrü ilə müqayisədə 12,9 manat çoxdur. Ticarət şəbəkəsində bir ölkə sakini orta hesabla hər ay 148,8 manatlıq ərzaq məhsulları, içkilər və tütün məmulatları, 147,5 manatlıq qeyri-ərzaq məhsulları alıb.

Ctrl+ Enter Mətndə səhv var? Onu seçin və "Ctrl+Enter" düyməsini basın

ŞƏRH YAZIN


DİGƏR ÖLKƏ XƏBƏRLƏRİ

BÜTÜN XƏBƏRLƏR
Orphus system