11:56, 18.11.2019

İran İslam İnqilabının Ali Dini rəhbəri Ayətullah Seyyid Əli Xamenei benzinin qiymətinin bahalaşması ilə bağlı qərara münasibət bildirib.

İslaminSesi mehrnews-a istinadən xəbər verir ki, İran İslam İnqilabını rəhbəri Ayətullah Seyyid Əli Xamenei benzinin qiymətinin qalxması ilə bağlı verilən qərarı 3 dövlət strukturunun (icra, qanun verici və məhkəmə orqanları) yekdilliklə qəbul etdiyi qərar adlandırıb və hökümətin qərarını dəstəklədiyini bildirib.

İnqilab rəhbəri bu qərarı düşünülmüş, istehlak planına uyğun bir qərar adlandırıb və tətbiq edilməli olduğunu bildirib.

Həmçinin qərara qarşı etiraz etmək vətəndaşların haqqıdır deyən Ayətullah Xamenei, dağıtmaq, dövlət əmlakına və digərlərinin malına zərər vurmağı pisləyib və bunu şərr qüvvələrin işi adlandırıb.

İslam İnqilabının Rəhbəri, əks-inqilabçıların və düşmənlərin bu cür təxribatçı aktlara həmişə təşviq etdiyini və bu istiqamətdə fəal hərəkət etdiklərini diqqətə çatdırıb.