11:11, 11.06.2019

ABŞ Hərbi Hava Qüvvələrinin Arizonadakı bazasında təlim görən türk pilotlar F-35 qırıcılarında uçuşlardan kənarlaşdırılıblar.

İslaminSesi-nin RT-yə istinadən verdiyi xəbərə görə, bu haqda Reuters yazır.

"Nazirliyə məlumdur ki, türk pilotları uçuş etmirlər", — deyə ABŞ Müdafiə Nazirliyinin rəsmi nümayəndəsi Mayk Endrüs bildirib.

O əlavə edib ki, Ankara öz siyasətini dəyişməsə, Vaşinqton türk müttəfiqlərinin F-35 proqramında iştirakını dayandıracaq.

Bu qərar Ankaranın Rusiyadan S-400 zenit-raket sistemlərinin alması ilə bağlı ABŞ və Türkiyə danışıqlarının fonunda qəbul edilib.