ABŞ ordusunun ən zəif yeri açıqlandı

Oxundu: 164
ABŞ ordusunun ən zəif yeri açıqlandı

Avrasiyada ba verə biləcək müharibədə ABŞ nəqliyyat flotundakı çatışmazlığa görə uduzmaq riski ilə üzbəüzdür.

İslaminSesi xəbər verir ki, belə bir açıqlama ilə "Forbes" jurnalının analitiki Loren Tompson çıxış edib.

 

O bildirir ki, ABŞ hər zaman müharibəni öz ərazisindən uzaqlarda aparır. Buna görə də döyüş meydanına texnika və avadanlıq daşımalı olur. Bu isə Hərbi Dəniz Qüvvələri (HDQ) üçün ağır işdir və eyni zamanda zəif nöqtədir.


Jurnalistin sözlərinə görə, hazırda HDQ texnikaların və canlı qüvvələrin daşınması üçün 65 gəmidən istifadə edir. Amma bu gəmilər çox "yorğun"durlar və sadəcə 40 faizi hərbi əməliyyatı yerinə yetirə bilər. Ona görə də ABŞ HDQ problemdən çıxış yolu tapmaq üçün gəmiləri potensial müharibə zonalarına yaxın ərazilərdə yerləşdirmək istəyir.


HDQ müharibə zamanı mülki gəmilərdən də istifadə edə bilər. Amma Topmsonun fikrincə, bu, hərbçilərin qarşısına qoyulmuş vəzifəni yerinə yetirməyə kifayət etməyəcək.


Onun fikrincə, dəniz nəqliyyatının olmaması səbəbindən "dünyanın ən bacarıqlı quru qüvvələri" müharibəyə gec daxil ola bilər və ya effektiv mübarizə qabiliyyətini itirə bilər.


Bundan əvvəl Amerikanın "National Interest" jurnalı dünyanın ən güclü donanmalarını sıralamışdı və Amerika Birləşmiş Ştatları Donanmasında ən çox gəminin olduğunu qeyd etmişdi./Faktxeber.com/

Ctrl+ Enter Mətndə səhv var? Onu seçin və "Ctrl+Enter" düyməsini basın

ŞƏRH YAZIN


DİGƏR MÖVQE XƏBƏRLƏRİ

BÜTÜN XƏBƏRLƏR
Orphus system