15:52, 04.12.2018

ABŞ təyyarələri fars körfəzində İrana güc nümayiş etdirəcək.

“İslaminSesi” “arabic.rt”-ə istinadən xəbər verir ki, ABŞ ordusuna məxsus aviadaşıyıcı gəmi Fars Körfəzinə yetişmək üzrədir. Bu haqda Amerika mətbuatı yazıb.

Mətbuatın bildirdiyinə görə "John C. Stennis" adlı nüvə ilə işləyən aviadaşıyıcı bir neçə günə körfəzə yetişəcək. Təyyarələr İran aviasiyasına güc nümayiş etdirmək məqsədi ilə göndərilir.

"Wall Street” qəzetinə müsahibə verən Pentaqon rəsmisi bidirib ki, "John C. Stennis” gəmisi körfəzdə 2 ay qalacaq və onun manevrləri son 8 ayın ən böyük manevri olacaq. Həmçinin bildirib ki, gəminin gəlişi İrana qarşı və Körfəzdə vəziyyətin müsbətə dəyişməsinə xidmət edəcək.

İran İnqilab Mühafizəsi Korpusunun baş komandir müavini Həsən Salami dünən məsələyə münasibət bildirərək deyib ki, ölkəsinin ballistik raket texnologiyası inkişafı ABŞ-ın aviadaşıyıcısına öz həddini bildirəcək və Vaşinqtonu geri çəkməyə məcbur edəcək.